Ministria e Punëve të Brendshme e Shqipërisë dhe Ministria e Brendshme e Mbretërisë së Bashkuar kanë nënshkruar më 29 prill 2026 në Londër, Dialogun e Punëve të Brendshme 2026.
Sipas njoftimit zyrtar, marrëveshja për palën shqiptare u nënshkrua nga zëvendësministrja e Punëve të Brendshme, Silva Caka.
Partneriteti në fjalë përqendrohet në luftën kundër krimit të rëndë dhe të organizuar, financave të paligjshme, migracionit të paligjshëm si dhe në forcimin e kontrollit kufitar.
Nënshkrimi i këtij dialogu vjen si vijim i bashkëpunimit të mëparshëm mes dy vendeve në Dialogun Kundër Krimit të Organizuar dhe Krimeve të Rënda 2025–2026, dhe konfirmon se Shqipëria dhe Mbretëria e Bashkuar mbeten partnerë të besueshëm në përballjen me krimin ndërkombëtar.
