Kryeministri polak, Tusk: Hekurudha Varshavë-Lublin u sabotua me mjete shpërthyese
"Një akt sabotimi ndodhi në linjën Varshavë-Lublin (fshati Mika). Shpërthimi i eksplozivëve shkatërroi linjën hekurudhore", tha kryeministri polak, Donald Tusk.
Kryeministri i Polonisë, Donald Tusk tha se dëmi i ndodhur dje në linjën hekurudhore Varshavë-Lublin u shkaktua nga një sabotim me përdorimin e mjeteve shpërthyese.
Në një postim në llogarinë e tij në platformën e mediave sociale të kompanisë amerikane X, Tusk deklaroi se dyshimet e tij më të këqija janë konfirmuar. "Një akt sabotimi ndodhi në linjën Varshavë-Lublin (fshati Mika). Shpërthimi i eksplozivëve shkatërroi linjën hekurudhore", tha ai.
Tusk thekson se forcat e sigurisë dhe zyra e prokurorit po punojnë në vendngjarje dhe se dëmet janë zbuluar edhe në një pikë më afër Lublinit në të njëjtën linjë.
Sipas mediave kombëtare polake, makinisti i trenit të linjës hekurudhore Varshavë-Lublin rreth orës 7:00 të mëngjesit sipas orës lokale dje vuri re dëmtime në shina dhe e raportoi atë në stacionin qendror.
Pas këtij zhvillimi, pasagjerët dhe ekuipazhi u evakuuan dhe trafiku në linjë u ndal.