Në Tiranë është mbajtur shfaqja teatrale "Hijet Gjigante Karagoz dhe Hacivat" me artistët nga Türkiye Suat Veral dhe Merve Ilken, me mbështetjen e Institutit "Yunus Emre".
Aktiviteti kulturor kushtuar fëmijëve është mbajtur në Teatrin e Kukullave, në kuadër të Festivalit Ndërkombëtar të Kukullave ndërkohë të pranishëm ishin edhe Drejtori i Institutit "Yunus Emre" për Shqipërinë, Oguzhan Sakoglu dhe përfaqësues të tjerë të institucioneve.
Artisti turk Suat Veral përshëndeti fëmijët e pranishëm, duke theksuar se është shumë i lumtur që është sot në këtë aktivitet.
"Jam veçanërisht shumë i emocionuar dhe shumë i lumtur që jam këtu me ju (fëmijët). Në rrugët e Tiranës kam parë fytyrat tuaja shumë të bukura dhe të lumtura. Ju sjell përqafimet dhe dashurinë shumë të ngrohtë nga Türkiye", tha ai.
Fëmijët pjesëmarrës i përshëndeti edhe aktorja Merve Ilken, e cila theksoi se "mezi ka pritur" që të takohet me fëmijët.
Festivali Ndërkombëtar i Kukullave në Tiranë u organizua në datat 21-24 shtator.
