Luftëtarët Huthi morën nën kontroll të premten ishullin strategjik Perim në Ngushticën Bab el-Mandab, tha për Anadolu një burim ushtarak i qeverisë jemenase.
Burimi, i cili foli në kushte anonimiteti, tha se rebelët Huthi kishin marrë kontrollin e ishullit, i njohur në arabisht si Mayyun.
Marrja nën kontroll nënkupton se grupi ka përfunduar kontrollin e tij mbi Ngushticën Bab el-Mandab, shtoi burimi.
Huthit dhe qeveria jemenase nuk kishin komentuar zyrtarisht për marrjen e raportuar nën kontroll të ishullit deri në orën 10:30 GMT.
Ishulli Perim ka rëndësi të jashtëzakonshme strategjike për shkak të vendndodhjes së tij në mes të Ngushticës Bab el-Mandab, ku e ndan rrugën ujore në dy kanale.
Marrja nën kontroll pritet t'i rrisë shqetësimet rajonale dhe ndërkombëtare për sigurinë detare dhe lëvizjen e anijeve tregtare dhe cisternave të energjisë përmes Bab el-Mandabit.
Ngushtica lidh Detin e Kuq me Gjirin e Adenit dhe është një nga rrugët më të rëndësishme në botë për tregtinë ndërkombëtare dhe transportin e energjisë.
