Presidenti i Türkiyes, Recep Tayyip Erdoğan, dhe homologu i tij kazak, Kassym-Jomart Tokayev, i diskutuan në Ankara marrëdhëniet dypalëshe, si dhe çështje rajonale dhe globale, njoftoi Drejtoria e Komunikimeve e Türkiyes.
Dy liderët u takuan në Kompleksin Presidencial në kryeqytetin turk.
Erdoğan ka thënë se Türkiye dhe Kazakistani do ta forcojnë Partneritetin e Avancuar Strategjik duke e zgjeruar bashkëpunimin në sektorë të ndryshëm, veçanërisht në tregti, investime, energji, transport dhe industrinë e mbrojtjes, sipas deklaratës.
Ai gjithashtu është zotuar se Ankaraja do të punojë për forcimin e Organizatës së Shteteve Turke gjatë kryesimit të saj, duke e ruajtur solidaritetin e ngushtë me Astanën për këtë çështje, shtohet në deklaratë.
Erdoğan gjithashtu e ka ftuar Tokayevin në Samitin e Liderëve të COP31, i cili do të mbahet në Antalya më 11 dhe 12 nëntor.
