Dhjetë ditë para dasmës së saj, Hala Salem Darwish po përgatitej për festën e madhe.

Në vend të kësaj, ajo është dërguar në kujdes intensiv pasi një plumb nga një snajper izraelit shpoi shtëpinë e familjes së saj dhe e goditi në kokë, duke e shndërruar numërimin mbrapsht të dasmës në një luftë për mbijetesë.

Ajo u rrëzua para të afërmve të saj pasi plumbi hyri nga një dritare pak para perëndimit të diellit.

"Kishin mbetur vetëm 10 ditë deri në dasmën tonë", tha i fejuari i saj, Mohammed Shreihi, për Anadolu.

"Në një moment të vetëm, gjithçka ndryshoi", tha ai.

Plumbi i mbetur bllokuar në kokën e saj shkaktoi dëme të rënda në indet e trurit, duke e lënë gjendjen e saj kritike dhe të paqëndrueshme.

Mjekët deri më tani nuk kanë qenë në gjendje ta operojnë.

Kujtimi i një babai

Babai i saj, Salem, tha se ky moment vazhdon ta përndjekë.

"Po përgatisnim ushqim kur papritmas një plumb izraelit doli nga dritarja dhe e goditi”, shtoi prindi saj. 

"Ajo ra para nesh. Nuk mund ta harroj atë skenë”, përshkruan babai.

Dasma e saj ishte planifikuar për në fillim të majit.

Rasti i Halës pasqyron realitetin në Gaza, ku sistemi shëndetësor është shtyrë në prag të rrënimit.

Vlerësimet palestineze tregojnë se rreth 22.000 të plagosur dhe të sëmurë duhet të largohen nga territori për trajtim.

I fejuari i saj i bëri thirrje Komitetit Ndërkombëtar të Kryqit të Kuq dhe organizatave humanitare të ndërhyjnë.

Izraeli ka vazhduar të kryejë shkelje të përditshme të një marrëveshjeje armëpushimi të nënshkruar tetorin e kaluar, duke vrarë 830 palestinezë dhe duke plagosur 2.345 të tjerë, sipas Ministrisë së Shëndetësisë së Gazës.

Armëpushimi kishte për qëllim t'i jepte fund një sulmi dyvjeçar izraelit që la më shumë se 72.000 të vdekur dhe shkatërroi 90 për qind të infrastrukturës civile.

OKB-ja vlerëson kostot e rindërtimit në rreth 70 miliardë dollarë.