Astronautëve të NASA-s do t’u lejohet të marrin telefona inteligjentë në misionet në Hënë
Ekipet do të jenë në gjendje të kapin momente të veçanta për familjet e tyre dhe të ndajnë imazhe frymëzuese me botën, thotë agjencia hapësinore.
Astronautëve të NASA-s do t’u lejohet të mbajnë telefonat më të fundit inteligjentë në misionet e ardhshme në Hënë, bëri të ditur të enjten administratori i agjencisë hapësinore, Jared Isaacman.
Sipas Isaacman, astronautët do të fluturojnë me telefona inteligjentë duke filluar nga misioni Crew-12 në shkurt dhe Artemis II në mars.
“Po u japim ekuipazheve tona mjetet për të kapur momente të veçanta për familjet e tyre dhe për të ndarë imazhe dhe video frymëzuese me botën”, shkroi ai në platformën X.
Ai tha se ekipet e NASA-s sfiduan “procese të vjetra prej kohësh” dhe certifikuan pajisje moderne për fluturime hapësinore në një “afat të përshpejtuar”.
“Kjo urgjencë operative do t’i shërbejë mirë NASA-s teksa ndjekim shkencën dhe kërkimin me vlerën më të lartë, si në orbitë ashtu edhe në sipërfaqen hënore. Ky është një hap i vogël në drejtimin e duhur”, shtoi ai.