Një i vdekur nga shpërthimi i një zjarri në tregun e Shën Petersburgut në Rusi
Një substancë shumë e ndezshme brenda ndërtesës shkaktoi një përhapje intensive të zjarrit, duke përfshirë gati 1.500 metra katrorë.
Një i vdekur nga shpërthimi i një zjarri në tregun e Shën Petersburgut në Rusi / AA
Të paktën një person është gjetur i vdekur nga një zjarr që shpërtheu në një treg në qytetin Shën Petersburg në Rusi.
“Fatkeqësisht një person është gjetur i vdekur gjatë procesit të shuarjes së zjarrit”, tha shërbimi për media i Ministrisë së Emergjencave.
Agjencia shtetërore e lajmeve Tass tha se flaka filloi në një ndërtesë tregu në lagjen Nevsky të qytetit rus.
Ministria ruse tha se një substancë shumë e ndezshme brenda ndërtesës shkaktoi një përhapje intensive të zjarrit, duke përfshirë gati 1.500 metra katrorë.
Raportohet se 96 zjarrfikës me 26 pjesë pajisjesh po vazhdojnë punën për t’i shuar flakët në treg.