Një anije e tretë në pronësi turke ka dalë në mënyrë të sigurt nga Gjiri përmes Ngushticës së Hormuzit, mes konfliktit në vazhdim, duke e çuar në tre numrin e anijeve që kanë dalë pa probleme, njoftoi ministri turk i Transportit dhe Infrastrukturës.
Abdulkadir Uraloğlu tha se “Ocean Thunder”, e cila transportonte naftë bruto nga Iraku drejt Malajzisë, kaloi në mënyrë të sigurt përmes ngushticës falë përpjekjeve të koordinuara me Ministrinë e Jashtme të Türkiyes.
Ai theksoi se numri i anijeve në pronësi turke që presin pranë Ngushticës së Hormuzit ka rënë në 12 dhe se tetë prej tyre aktualisht kanë kërkesa për nisje.
Ministri nënvizoi se autoritetet po vazhdojnë pa ndërprerje përpjekjet për kalimin e sigurt të këtyre tetë anijeve dhe 156 pjesëtarëve të ekuipazhit.
Ai shtoi se ministria do të vazhdojë të monitorojë nga afër situatën e anijeve dhe marinarëve turq në rajon, në bashkëpunim me Ministrinë e Jashtme dhe institucionet e tjera përkatëse.
Rajoni është në gjendje alarmi që nga 28 shkurti, kur ShBA dhe Izraeli nisën një ofensivë të përbashkët ndaj Iranit, duke vrarë deri më tani më shumë se 1.340 persona, përfshirë edhe Liderin Suprem të atëhershëm, Ajatollah Ali Khamenei.
Irani është kundërpërgjigjur me sulme me dronë dhe raketa ndaj Izraelit, si dhe ndaj Jordanisë, Irakut dhe vendeve të Gjirit që strehojnë kapacitete ushtarake amerikane. Ai gjithashtu ka kufizuar lëvizjen e anijeve nëpër Ngushticën e Hormuzit.
