Tubimet anti-imigracion dhe kundër-demonstratat në Toronto përfundojnë me 11 të arrestuar
Demonstratat u organizuan për të promovuar dhe kundërshtuar qëndrime mbi imigracionin, duke sjellë dy palët thellësisht të ndara mbi këtë çështje përballë njëra-tjetrës.
Policia ka arrestuar të paktën 11 kanadezë në qendër të qytetit Toronto, pasi protestuesit anti-imigracion dhe kundër-demonstruesit u përballën gjatë një dite të tensionuar protestash, të cilat u shoqëruan me një prani të shtuar policore derisa turmat lëviznin nëpër qendrën e qytetit.
Anëtarët e lëvizjes ‘Canada First’ u mblodhën së bashku me grupe kundërshtare në sheshin ‘Nathan Phillips’ para se të marshonin nëpër disa pjesë të qytetit.
Demonstratat u organizuan për të promovuar dhe kundërshtuar qëndrime mbi imigracionin, duke sjellë dy palët thellësisht të ndara mbi këtë çështje përballë njëra-tjetrës.
Policia e Torontos vendosi masa të shtuara sigurie për të ndarë dy palët, por pavarësisht kësaj ndodhën përplasje fizike, shtyrje dhe hedhje objektesh.
Arrestimet u kryen kryesisht për prishje të rendit publik, mosbindje ndaj urdhrave të policisë dhe përplasje të dhunshme.