Të paktën gjashtë persona u vranë sot në një sulm amerikano-izraelit që shënjestroi një zonë banimi në lindje të kryeqytetit të Iranit, Teheran, raportuan mediat iraniane.
Agjencia e lajmeve Mehr tha se sulmi goditi qytetin Pardis, ku ekipet e shpëtimit nxorën gjashtë trupa nga rrënojat. Tre nga viktimat ishin fëmijë, tha raporti.
Tensionet rajonale janë përshkallëzuar që kur ShBA-ja dhe Izraeli nisën ofensivë të përbashkët ndaj Iranit më 28 shkurt, duke vrarë deri më tani mbi 1.340 persona, përfshirë ish-udhëheqësin suprem Ali Khamenei.
Irani është kundërpërgjigjur me sulme me dronë dhe raketa që kanë shënjestruar Izraelin, së bashku me Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë ndërsa kanë prishur tregjet dhe aviacionin global.
