Protestuesit propalestinezë kanë tubuar përballë Shtëpisë së Bardhë në Uashington, për të protestuar kundër vizitës në ShBA të kryeministrit izraelit, Benjamin Netanyahu.
Duke brohoritur parulla dhe duke mbajtur pankarta kundër vizitës së Netanyahut në ShBA dhe kundër sulmeve izraelite në Gaza, protestuesit dënuan operacionet e vazhdueshme ushtarake izraelite në Gaza dhe kërkuan nga administrata amerikane ta ndalojë mbështetjen e saj për Izraelin.
Më herët, presidenti amerikan, Donald Trump, ka pritur kryeministrin Netanyahu në Shtëpinë e Bardhë, i cili mbërriti për vizitë.
Më 18 mars, Izraeli rifilloi sulmet ndaj Gazën, duke thyer marrëveshjen e armëpushimit dhe të shkëmbimit të të burgosurve që filloi në muajin janar të këtij viti. Vetëm që atëherë në sulmet izraelite janë vrarë rreth 1.335 palestinezë dhe 3.297 të tjerë janë plagosur.
Javën e kaluar, kryeministri izraelit, Benjamin Netanyahu, u zotua se do t'i përshkallëzojë sulmet në Gaza mes përpjekjeve për ta zbatuar planin e presidentit amerikan, Donald Trump, për t'i zhvendosur palestinezët nga enklava palestineze.
