Türkiye dënoi sulmin e armatosur vdekjeprurës të së premtes ndaj një kishe në provincën Karak të Jordanisë, duke shprehur solidaritet me vendin dhe popullin jordanez.
“Ne e dënojmë fuqishëm sulmin e armatosur të kryer ndaj një kishe në provincën Karak të Jordanisë”, thuhet në deklaratën e Ministrisë së Jashtme turke, të publikuar të shtunën.
Ministria u shprehu ngushëllime familjeve të viktimave dhe popullit jordanez, ndërsa u uroi shërim të shpejtë personave të plagosur.
“Ritheksojmë edhe një herë solidaritetin tonë me Jordaninë përballë këtij sulmi të rëndë që synon unitetin dhe paqen e vendit”, thuhet në deklaratë.
Numri i viktimave nga sulmi ndaj kishës ka arritur në tetë, njoftoi të shtunën ministri i Shëndetësisë i Jordanisë.
Të premten, drejtori i Sigurisë Publike të Jordanisë, Obaidallah Maaytah, kishte njoftuar se nga sulmi ishin vrarë shtatë persona dhe ishin plagosur 27 të tjerë.
