Italia i kërkoi të mërkurën Izraelit që të mos i dëmtojë përpjekjet për paqe të nisura nga ShBA-ja në Lindjen e Mesme.
Kryeministrja Giorgia Meloni, në një konferencë për shtyp pas samitit të G7-s në Francë, theksoi se situata në Lindjen e Mesme, përfshirë Rripin e Gazës, Libanin dhe Ngushticën e Hormuzit, ishte ndër temat kryesore të diskutimit në takim.
“Ajo që synojmë është të promovojmë zgjidhje afatgjata dhe thelbësore që shkojnë përtej armëpushimeve afatshkurtra”, tha ajo.
Meloni shtoi se roli i Izraelit në këtë proces është thelbësor.
“Ne presim që Izraeli të jetë një aktor pozitiv në rrugën drejt paqes në rajon”, tha ajo, duke shtuar se retorika e ashpër, e nxitur nga fushata zgjedhore në Izrael, nuk duhet të lejohet të rrezikojë përpjekjet për paqe.
