Dy shpërthime u dëgjuan sot në kryeqytetin e Sirisë, Damask, dhe në zonat përreth, raportoi media siriane.
Zhurmat e shpërthimeve ka të ngjarë të jenë shkaktuar nga interceptimi i raketave iraniane nga mbrojtja ajrore e Izraelit, tha televizioni Al-Ikhbariyah TV në platformën Telegram.
Nuk kishte informacione të menjëhershme për të lënduar ose dëme të mundshme.
Tensionet në Lindjen e Mesme janë përshkallëzuar që kur Izraeli dhe ShBA-ja nisën ofensivë të përbashkët kundër Iranit më 28 shkurt.
Teherani është kundërpërgjigjur me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë si dhe duke tronditur tregjet globale dhe aviacionin.
