Presidenti i Türkiyes, Recep Tayyip Erdoğan, priti me një ceremoni zyrtare kryeministrin kanadez Mark Carney, i cili viziton Türkiyen.
Automjeti zyrtar i kryeministrit Carney u mirëprit kalorësit në rrugën përballë Kompleksit Presidencial dhe e shoqëruan automjetin deri te porta e protokollit.
Presidenti Erdoğan e priti Carney në hyrjen kryesore të Kompleksit. Pasi Erdoğan dhe Carney zunë vendet e tyre në zonën e ceremonisë, grupi i trupës ceremoniale intonoi himnet kombëtare të dy vendeve.
Në ceremoni ishin vendosur flamuj dhe ushtarë që përfaqësojnë themelimin e 16 shteteve turke të formuara në histori ndërsa u kryen 21 të shtëna me top. Carney përshëndeti trupën ceremoniale me shprehjen "Merhaba asker" (Përshëndetje ushtar). Më pas dy liderët i prezantuan njëri-tjetrit delegacionet e tyre.
Presidenti Erdoğan dhe Carney shtrënguan duart dhe pozuan për mediat përpara flamurit turk dhe kanadez në shkallët e kompleksit presidencial. Erdoğan dhe Carney, kaluan një takim kokë më kokë dhe ndërmjet delegacioneve ndërsa pas takimeve do të marrin pjesë në një konferencë të përbashkët për mediat.
Në ceremoni morën pjesë edhe ministri i Punëve të Jashtme Hakan Fidan, ministri i Energjisë dhe Burimeve Natyrore Alparslan Bayraktar, ministri i Tregtisë Omer Bolat, kreu i inteligjencës turke (MIT) Ibrahim Kalin, drejtori i Industrive të Mbrojtjes Haluk Gorgun, drejtori i zyrës së Sekretarisë në Presidencë Hasan Dogan, drejtori i Komunikimeve Presidenciale Burhanettin Duran, kryekëshilltari i presidentit për Politikën e Jashtme dhe Sigurisë Akif Çagatay Kiliç, ambasadori i Türkiyes në Otava Can Dizdar dhe guvernatori i Ankarasë Yakup Canbolat.
