Të paktën pesë persona u vranë dhe 35 të tjerë u plagosën të mërkurën nga një shpërthim bombe në një xhami gjatë faljes së akshamit në shtetin verilindor Borno të Nigerisë, tha zëdhënësi i policisë ASP Nahum Daso Kenneth në platformën amerikane të mediave sociale Facebook.

Sipas një deklarate, autoritetet dyshojnë se shpërthimi në Maiduguri, kryeqyteti i shtetit, rezultoi nga një sulm vetëvrasës, bazuar në deklaratat e dëshmitarëve dhe gjetjen e fragmenteve të një jeleku të dyshuar të sulmuesit vetëvrasës.

Zyrtarët po vazhdojnë hetimet për të përcaktuar shkakun dhe rrethanat e ngjarjes, tha Daso.

Shteti është prej vitesh i goditur nga grupi terrorist Boko Haram dhe grupe të tjera të ngjashme.