Ministri i Mbrojtjes i BeH-së kundërshtoi aterimin e avionit hungarezë në Sarajevë

Ministri i Mbrojtjes i Bosnjë e Hercegovinës Zukan Helez nuk ka dhënë pëlqimin për uljen e një avioni ushtarak nga Hungaria në BeH, pasi është kërkuar leja për ulje në aeroportin e Sarajevës, pastaj në aeroportin e Banja Lukës.

“Pse një aeroplan ushtarak duhej të ulej në aeroportin e Banja Lukës mbetet e paqartë, por në kontekstin e mbërritjes së 70 pjesëtarëve të njësisë speciale antiterroriste të MPB-së hungareze në mbështetje të MPB-së së RS-së, sigurisht që është simptomatike në këtë moment”, ka shkruar Helez në rrjetin social Facebook.

Helez kujtoi se kryeministri hungarez Viktor Orban i tha presidentit të entiteti boshnjak Republika Sërpska, Millorad Dodik, vazhdimisht "i ofron mbështetje në sulmin e tij dhe minimin e rendit kushtetues të Bosnjë e Hercegovinës."

“Jam thellësisht i bindur se mbërritja e avionit ushtarak nga Hungaria kishte për qëllim të ofronte një formë mbështetjeje për Millorad Dodikun dhe klikën e mbledhur rreth tij në shpërbërjen e Bosnjës e Hercegovinës”, tha ai.

i shtoi se për shkak të refuzimit të tij për të dhënë leje për fluturimin/uljen e lartpërmendur të një avioni ushtarak, ai kishte pësuar "presion të madh, si nga pjesë të komunitetit ndërkombëtar ashtu edhe nga ndërmjetësit vendas", gjatë tri ditëve të kaluara.

"Asgjë nuk është më e rëndësishme se Bosnjë e Hercegovina, as unë dhe as pozicioni im. Duke qenë se presidenti i njësisë më të vogël boshnjake Milorad Dodik vazhdon të thotë se Bosnjë e Hercegovina nuk është shtet, se RS-ja është shtet, unë pyes pse avioni i tij ushtarak nuk u ul në Banja Luka", përfundoi Helez.