Me mbështetjen dhe nën kujdesin e Institutit "Yunus Emre" në Tiranë është zhvilluar bashkëbisedimi me shkrimtarin Salim Nizam me temë "Arti i të shkruarit dhe portreti i një shkrimtari: Omer Seyfettin", ndërkohë Nizam u takua edhe me të rinjtë në Festivalin Letrar Ndërkombëtar për të Rinj në kryeqytetin e Shqipërisë.

Në një njoftim nga instituti thuhet se gjatë bashkëbisedimit u trajtuan jeta, personaliteti letrar dhe veprat e Omer Seyfettin, një prej emrave të rëndësishëm të letërsisë turke.

"Duke u mbështetur në përvojën e tij si shkrimtar, Salim Nizam ndau me pjesëmarrësit përvojat dhe mendimet e tij mbi artin e të shkruarit. Ai foli për metodat që ndjek gjatë procesit të shkrimit, elementet të cilave u kushton rëndësi gjatë krijimit të veprave të tij, si dhe konceptin e tij mbi krijimtarinë letrare, duke u dhënë dashamirësve të letërsisë mundësinë të njiheshin më nga afër me botën e një shkrimtari", thuhet në njoftim.

Gjithashtu, në edicionin e 12-të të Festivalit Letrar Ndërkombëtar për të Rinj në Tiranë, shkrimtari Salim Nizam u takua me të rinjtë.

"Në kuadër të festivalit, u zhvilluan panele, takime mes lexuesve dhe shkrimtarëve, sesione autografesh, biseda letrare dhe lexime tekstesh. Festivali, i ndjekur nga një numër i madh dashamirësish të letërsisë dhe studentësh, bëri bashkë shkrimtarë nga vende të ndryshme, duke i bashkuar nën ombrellën e letërsisë", thekson njoftimi.