Ministri i Shëndetësisë i Türkiyes, Kemal Memişoğlu, në pritjen për Ditën e Pavarësisë së Kosovës të organizuar nga Ambasada e Kosovës në Ankara, ka deklaruar se dy vendet ndajnë "një histori të rrënjosur thellë, një kulturë të përbashkët dhe një frymë të fortë vëllazërie".
Memişoğlu tha se Türkiye krenohet që është një nga vendet e para që njohu Kosovën, pas shpalljes së pavarësisë së saj në vitin 2008.
Memişoğlu theksoi se që nga ajo datë Türkiye ka vazhduar me vendosmëri mbështetjen e saj për Kosovën në arritjen e pozicionit që i takon me të drejtë në arenën ndërkombëtare dhe se ajo ka kontribuar në përfaqësimin më të fortë të Kosovës në organizatat ndërkombëtare.
“Marrëdhëniet midis vendeve tona nuk kufizohen vetëm në lidhjet diplomatike. Ne ndajmë një histori të rrënjosur thellë, një kulturë të përbashkët dhe një frymë të fortë vëllazërie”, tha Memişoğlu.
Ai tha se qytetarët me origjinë nga Kosova që jetojnë në Türkiye dhe komuniteti turk në Kosovë përbëjnë themelin më të fortë të lidhjeve historike dhe kulturore midis dy vendeve.
Ministri turk gjithashtu shprehu kënaqësinë për rolin konstruktiv të ndërmarrë nga turqit e Kosovës në jetën politike, ekonomike dhe shoqërore të Kosovës, si dhe vlerësoi kontributet e tyre në zhvillimin e vendit.
“Dihet mirë se ruajtja e paqes dhe stabilitetit në Kosovë është me rëndësi kritike për paqen dhe stabilitetin e përgjithshëm të Ballkanit dhe Evropës. Me këtë rast, Marrëveshja për Bashkëpunim në Fushën e Shëndetësisë, e cila hapi rrugën për vendosjen e marrëdhënieve miqësore midis dy vendeve tona, u nënshkrua më 8 shtator të vitit 2009. Brenda fushëveprimit të kësaj marrëveshjeje, jemi të kënaqur të ofrojmë trajtim falas në Türkiye çdo vit për 100 pacientë nga Kosova, kushtet e të cilëve nuk mund të trajtohen atje. Në takimet dhe kontaktet tona të fundit në lidhje me shëndetin, kemi ndarë përvojën e vendit tonë në 'Programin e Transformimit të Shëndetit' dhe vizionin tonë 'Shëndet Produktiv’ me miqtë tanë kosovarë”, deklaroi Memişoğlu.
“Kemi vendosur një bashkëpunim gjithëpërfshirës dhe të gjerë”
Më tej, Memişoğlu tha se si Türkiye kanë vendosur një bashkëpunim gjithëpërfshirës dhe të gjerë me Kosovën, jo vetëm në fushën e shëndetësisë, por edhe në fushat politike, ekonomike, ushtarake dhe kulturore.
Duke theksuar se marrja e komandës së forcës së NATO-s në Kosovë (KFOR) nga Türkiye për herë të dytë, ashtu si në mandatin e parë do të kontribuojë në ruajtjen e sigurisë dhe stabilitetit në rajon.
“Për më tepër, ne mirëpresim pjesëmarrjen aktive të Kosovës në Platformën e Paqes në Ballkan, e cila u inicua me udhëzimet e presidentit tonë. Ne besojmë se kjo platformë ofron përfitime të konsiderueshme në mbajtjen e hapur të kanaleve të dialogut dhe forcimin e bashkëpunimit rajonal”, tha Memişoğlu.
Ai gjithashtu theksoi se bashkëpunimi i ngushtë me Kosovën vazhdon në fushat e arsimit dhe kulturës përmes Agjencisë Turke për Bashkëpunim dhe Koordinim (TIKA) dhe se projektet e përbashkëta kontribuojnë në ndihmën e të rinjve kosovarë për të ecur përpara me hapa më të fuqishëm drejt së ardhmes. Ai shtoi se Türkiye do të vazhdojë të jetë një nga mbështetësit më të fortë të Kosovës në rrugën e saj të zhvillimit.
