Sulm me dronë në kompleksin e Ambasadës amerikane në Bagdad
Armiqësitë në rajon janë përshkallëzuar që kur Izraeli dhe ShBA-ja nisën sulme të përbashkëta ndaj Iranit më 28 shkurt.
Një valë e re sulmesh me raketa dhe dronë goditën kompleksin e Ambasadës së Shteteve të Bashkuara të Amerikës në Bagdad të martën herët, duke aktivizuar sirenat.
Siç raporton agjencia e lajmeve “Shafaq”, detajet rreth shkallës së dëmit dhe çdo lëndimi të mundshëm nga sulmet nuk janë bërë menjëherë të disponueshme.
Zhvillimi erdhi disa orë pasi një dron goditi gardhin e sipërm të Hotelit “Al-Rasheed” në Zonën e Gjelbër, pa shkaktuar lëndime ose dëme.
Armiqësitë në rajon janë përshkallëzuar që kur Izraeli dhe ShBA-ja nisën sulme të përbashkëta ndaj Iranit më 28 shkurt, duke vrarë deri më tani rreth 1.300 njerëz, përfshirë udhëheqësin suprem të atëhershëm, Ali Khamenei.
Irani është hakmarrë me sulme me dronë dhe raketa që kanë shënjuar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima e dëme në infrastrukturë dhe duke prishur tregjet globale e aviacionin.