Para rreth 30.000 tifozëve në stadiumin “Asim Ferhatoviq Hase” në Sarajevë, përballja mes përfaqësueses së futbollit të Bosnjë e Hercegovinës kundër asaj të Maqedonisë së Veriut përfundoi pa gola në një ndeshje miqësore që shërbeu si përcjellje e “Dragonjve” drejt Kupës së Botës.

Pavarësisht rezultatit 0:0, skuadra vendase ishte kundërshtari më i mirë dhe kontrolloi pjesën më të madhe të ndeshjes, sidomos në pjesën e parë, kur kishte 68 për qind posedim të topit dhe disa raste të mira shënimi.

Pjesa e dytë solli ritëm më të ngadaltë pas shumë zëvendësimeve në formacionin e Bosnjë e Hercegovinës.

Pas ndeshjes në Sarajevë, përfaqësuesja e Bosnjë e Hercegovinës udhëton në ShBA, ku më 6 qershor në St. Louis do të luajë kundër Panamasë, para paraqitjes në Kupën e Botës ku do të jetë në grupin B me Kanadanë, Zvicrën dhe Katarin.