Shkup, mbahet Samiti i bashkësive fetare të Ballkanit

Presidenti i Drejtorisë për Çështje Fetare të Türkiyes, Safi Arpagush, mori pjesë në Samitin e 10-të të kryetarëve të bashkësive fetare nga vendet e Ballkanit, i mbajtur në Shkup.

Sipas njoftimit të Drejtorisë për Çështje Fetare, Arpagush e ka nisur fjalimin e tij duke përcjellë përshëndetjet e presidentit turk Recep Tayip Erdoğan, duke theksuar se Islami është fe e paqes dhe mëshirës që garanton jetën, pasurinë, arsyen, pasardhjen dhe lirinë fetare.

Ai theksoi se myslimanët, duke u udhëhequr nga parimet universale të Islamit, nga e kaluara deri sot kanë mbrojtur të drejtën e çdo njeriu në botë për të jetuar një jetë dinjitoze, të lirë dhe njerëzore.

“Myslimanët e kanë konsideruar këtë qëllim si një përgjegjësi ndaj Zotit dhe njerëzimit. Me këtë synim, kanë themeluar shumë institucione arsimore, vakufe dhe shoqata. Të udhëhequr nga Kurani dhe suneti, kanë edukuar shumë njerëz. Për këtë realitet mund të përmenden shumë shembuj edhe në këtë rajon. Medreseja e Gazi Husrev-beut në Sarajevë, Medreseja Alaeddin në Prishtinë, Medreseja Isa Beu në Shkup, xhamia Isa Beu, xhamia Mustafa Pasha, xhamia Hunkar – janë vetëm disa prej tyre. Secila prej tyre ka shërbyer si vend adhurimi për myslimanët, por edhe si medrese dhe vakuf për gjithë njerëzimin”, theksoi Arpagush.