Sebastian Berwick fitoi të dielën edicionin e 61-të të Turit Çiklistik Presidencial të Türkiyes.

Çiklisti 26-vjeçar kryesoi renditjen e përgjithshme me një kohë të akumuluar prej 26 orësh, 34 minutash dhe 19 sekondash, përpara 160 garuesve të tjerë.

Kolumbiani Ivan Ramiro Sosa nga ekipi Equipo Kern Pharma u rendit i dyti, ndërsa belgu Kamiel Bonneu nga Solution Tech Nippo Rall zuri vendin e tretë.

Ndërkohë, Tom Grabbe fitoi etapën e fundit me një kohë prej 2 orësh, 11 minutash dhe 36 sekondash, përpara Jelle Vermoote nga ekipi Tarteletto-Isorex dhe Stanislaw Aniolkowski nga Cofidis.

Turi i Türkiyes klasifikohet si një event i kategorisë ProSeries në kalendarin Turit Evropian të Unionit Ndërkombëtar të Çiklizmit(UCI) dhe është gara e vetme në Türkiye në këtë nivel.

Rruga përfshin qytete bregdetare të Mesdheut dhe Egjeut si Izmir, Aydın, Muğla dhe Antalya.

Gara nisi në Çeşme, Izmir, dhe përfundoi në Ankara, duke përfshirë 161 çiklistë nga 27 vende që garuan në një distancë totale prej 1.133 kilometrash.