Aeroporti Ndërkombëtar "Sabiha Gokçen" i Istanbulit regjistroi trafikun e tij më të lartë ditor të fluturimeve, duke trajtuar 894 ngritje dhe ulje vendase dhe ndërkombëtare në ditën e fundit të festës së Kurban Bajramit.

Kjo shifër shënoi numrin më të madh të fluturimeve të menaxhuara në një ditë të vetme në historinë e aeroportit, sipas një deklarate nga HEAS, autoriteti tokësor i aeroportit.

Trafiku rekord u trajtua pa ndërprerje përmes koordinimit midis HEAS-it dhe operatorit të terminalit "Istanbul Sabiha Gokcen" (ISG), thuhet në deklaratë.

HEAS-i mbikëqyri proceset operative, përfshirë shërbimet e kontrollit të trafikut ajror, menaxhimin e platformës, infrastrukturën teknike dhe sigurinë e hapësirës ajrore.

Ndërkohë, ekipet e ISG-së menaxhuan operacionet e terminalit 24 orë në ditë gjatë periudhës së festave, përfshirë sigurinë, pastrimin, ndihmën për pasagjerët dhe shërbime të tjera për klientët.

Aeroporti tha se ky rekord nxori në pah kapacitetin operacional në rritje të "Sabiha Gokçen", pozicionin strategjik dhe infrastrukturën teknologjike.