Erdoğan dhe Meloni diskutojnë çështje rajonale dhe globale mes konflikteve në rajon
Recep Tayyip Erdoğan i bën thirrje komunitetit ndërkombëtar të bashkëpunojë për forcimin e diplomacisë.
Presidenti i Türkiyes, Recep Tayyip Erdoğan, dhe kryeministrja e Italisë, Giorgia Meloni, zhvilluan të premten një bisedë telefonike për t’i diskutuar marrëdhëniet dypalëshe, si dhe çështje rajonale dhe globale në kontekstin e konflikteve aktuale në rajon, njoftoi Drejtoria e Komunikimeve në një deklaratë.
Duke theksuar se Ankaraja po i ndjek “nga afër” zhvillimet në Iran dhe ndikimin e tyre në rajon, Erdoğan i tha Melonit se Türkiye po u rekomandon palëve të përmbahen nga hapa që mund ta rrisin paqëndrueshmërinë.
Duke nënvizuar qëndrimin e Türkiyes për forcimin e diplomacisë, Erdoğan i bëri thirrje komunitetit ndërkombëtar të bashkëpunojë për këtë qëllim, duke paralajmëruar se konfliktet mund ta rrezikojnë edhe sigurinë globale.
Konfliktet në rajon dhe në botë theksojnë edhe një herë rëndësinë e bashkëpunimit në industrinë e mbrojtjes mes vendeve aleate, tha presidenti turk.
Erdoğan gjithashtu theksoi se Ankaraja po bën përpjekje për ta avancuar bashkëpunimin me Romën në të gjitha fushat, veçanërisht në tregti.