Rezultatet e PISA 2025, program i Organizatës për Bashkëpunim dhe Zhvillim Ekonomik (OECD), tregojnë dallime në performancën e nxënësve në vendet e Ballkanit, në tri fushat e vlerësuara: shkencë, lexim dhe matematikë.
Mali i Zi dhe Shqipëria kanë rezultatin më të lartë në shkencë, me nga 435 pikë secili. Në lexim, Mali i Zi kryeson me 418 pikë, ndërsa Shqipëria ka 408 pikë.
Në matematikë, Shqipëria renditet e para ndër vendet e rajonit me 433 pikë, e ndjekur nga Serbia me 417 dhe Mali i Zi me 411 pikë.
Serbia shënon 429 pikë në shkencë, 415 në lexim dhe 417 në matematikë.
Më poshtë renditen Maqedonia e Veriut, me 378 pikë në shkencë, 357 në lexim dhe 380 në matematikë, dhe Kosova, me 357 pikë në shkencë, 340 në lexim dhe 350 në matematikë.
PISA, programi i Organizatës për Bashkëpunim dhe Zhvillim Ekonomik (OECD) për vlerësimin ndërkombëtar të nxënësve, mat aftësitë e 15-vjeçarëve në fushat kryesore si matematika, leximi dhe shkenca.
Shqipëria, me përmirësimin më të madh
Shqipëria ka shënuar rritjen më të madhe në rajon të pikëve mes vendeve të Organizatës për Bashkëpunim dhe Zhvillim Ekonomik (OECD). Në matematikë, rezultati u rrit nga 368 pikë në vitin 2022 në 433 pikë në vitin 2025, ose 65 pikë më shumë. Në shkencë, Shqipëria u ngjit nga 376 në 435 pikë, ndërsa në lexim nga 358 në 408 pikë. Të dhënat e OECD-së tregojnë se rezultatet e Shqipërisë në PISA 2022 kishin rënë krahasuar me vitin 2018.
Mali i Zi gjithashtu shënon përmirësim në të tri fushat. Rezultati në shkencë u rrit nga 403 në 435 pikë, në lexim nga 405 në 418, ndërsa në matematikë nga 406 në 411 pikë.
Nga ana tjetër, Serbia shënon rënie në të tri fushat. Në shkencë rezultati zbret nga 447 në 429 pikë, në lexim nga 440 në 415, ndërsa në matematikë nga 440 në 417 pikë.
Maqedonia e Veriut mbetet pothuajse në të njëjtin nivel. Në shkencë rezultati ndryshon nga 380 pikë në vitin 2022 në 378 pikë në vitin 2025, ndërsa në lexim nga 359 në 357 pikë. Rënia është më e dukshme në matematikë, nga 389 në 380 pikë. OECD-ja konfirmon rezultatet e vitit 2022 për Maqedoninë e Veriut.
Kosova nuk shënon ndryshim në shkencë, duke mbetur në 357 pikë. Në lexim rezultati bie nga 342 në 340 pikë, ndërsa në matematikë nga 355 në 350 pikë.
