Trump urdhëron komandantët ta hartojnë “planin e pushtimit” të Grenlandës

Presidenti i ShBA-së, Donald Trump, ka urdhëruar komandantët e forcave speciale të hartojnë një plan për pushtimin e Grenlandës.

Një raporti nga gazeta britanike ‘Daily Mail’ tha se “skifterët e politikës rreth presidentit amerikan”, pas suksesit të ShBA-së në kryejen e operacionit ushtarak në Venezuelë, që çoi në kapjen e presidentit Nicolas Maduro, “duan të lëvizin shpejt për ta pushtuar ishullin përpara se Rusia ose Kina të ndërmarrin një hap”.

Sipas raportit, Trump ka udhëzuar Komandën e Përbashkët të Operacioneve Speciale (JSOC) të hartojë një plan pushtimi, por shefat e Shtabit të Përbashkët e kundërshtojnë këtë veprim, duke argumentuar se ai do të ishte i paligjshëm dhe pa mbështetje nga Kongresi.

Të premten, pas komenteve të Trumpit që shprehën interes për marrjen e Grenlandës, udhëheqësit e partive politike të Grenlandës thanë “nuk duam të jemi amerikanë, nuk duam të jemi danezë, por duan të jemi grenlandezë”.

Duke folur në një aktivitet në Shtëpinë e Bardhë të premten, Trump tha: “Ne do të bëjmë diçka për Grenlandën, pavarësisht nëse atyre u pëlqen apo jo, sepse nëse nuk e bëjmë ne, Rusia ose Kina do ta marrin Grenlandën dhe ne nuk duhet ta kemi Rusinë ose Kinën si fqinj”.

“Do të doja të bëja një marrëveshje në mënyrën e lehtë, por nëse nuk e bëjmë në mënyrën e lehtë, do ta bëjmë në mënyrën e vështirë”, shto ai.

Komentet e Trumpit kanë nxitur dënime të forta, me vendet evropiane në veçanti që paralajmërojnë se një lëvizje e tillë mund ta nënkuptojë fundin e NATO-s.