Forcat izraelite plagosin dhe arrestojnë të rinj palestinezë në Bregun Perëndimor të pushtuar
"Trupat izraelite pengojnë ekipet e ambulancës të arrijnë tek të rinjtë e plagosur", thonë mediat lokale.
Forcat izraelite plagosën një të ri palestinez përpara se ta arrestonin gjatë bastisjes në qytetin Jamun, në perëndim të Jeninit në Bregun Perëndimor të pushtuar.
Sipas stacionit radiofonik "Zëri i Palestinës", përleshjet shpërthyen pasi trupat izraelite sulmuan Jamunin, me të rinj palestinezë që qëlluan me gurë drejt ushtarëve. Gjatë konfrontimit, një i ri u qëllua me municion luftarak dhe u plagos.
Forcat izraelite penguan ekipet e ambulancës të arrinin te i riu i plagosur, i cili më vonë u dërgua në një vend të panjohur. Gjendja dhe vendndodhja e tij mbeten të paqarta.
Videot e shpërndara në platformat dixhitale tregojnë ushtarë izraelitë të vendosur pranë zonës ku ndodhej i riu i plagosur, duke bllokuar qasjen e ekipeve mjekësore.