Futbollisti i kombëtares shqiptare Kristjan Asllani, i cili është në negociata transferimi me klubin e Beşiktaşit ka mbërritur në Istanbul.

Mesfushori 23-vjeçar, i cili mbërriti në Aeroportin e Istanbulit me një fluturim nga qyteti Milano i Italisë, u prit nga zyrtarët e klubit.

Asllani mbante një shall të Beşiktaşit të cilin e vendosi rreth qafës dhe pozoi për një foto me simbolin e klubit "Shqiponjën".

Pas negociatave përfundimtare dhe kontrolleve mjekësore, Beşiktaşi pritet të nënshkruajë Kristjan Asllanin me një marrëveshje huazimi deri në fund të sezonit.

Lojtari shqiptar, i cili filloi karrierën e tij profesionale në vitin 2021 tek Empoli ku ai kaloi nëpër radhët e të rinjve, ka luajtur gjithashtu për Interin dhe Torinon.

Asllani ka luajtur 16 ndeshje për Torinon këtë sezon ndërsa ishte i huazuar.