Prodhuesi turk i automobilave dhe mbrojtjes "Otokar" njoftoi sot se ka nënshkruar kontratë eksporti prej 1,47 miliardë dollarësh për të furnizuar automjete të blinduara me rrota dhe shërbime të integruara të mbështetjes logjistike.

"Marrëveshja me vlerë 1.472.080.360 dollarë, mbulon lloje të ndryshme të automjeteve të blinduara me rrota", tha kompania në një zbulim për Platformën e Informimit Publik të Türkiyes (KAP).

Kontrata do të hyjë në fuqi pasi të merren miratimet e nevojshme zyrtare, të kenë përfunduar procedurat për letrat e garancisë dhe të merret një paradhënie.

"Otokar" do t'i sigurojë klientit letra garancie në vlerë prej 441.6 milionë dollarësh për të siguruar detyrimet e saj kontraktuale dhe paradhënien.

Dorëzimi i automjeteve është planifikuar të fillojë në vitin 2027 dhe të përfundojë në grupe për tre vjet ndërsa kontrata do të qëndrojë në fuqi për shtatë vjet.