Ministri sirian i Mbrojtjes dhe komandanti i SDF-së pajtohen për armëpushim në veri të Sirisë
Marrëveshja do të hyjë në fuqi menjëherë në të gjitha frontet dhe pozicionet ushtarake në veri dhe verilindje të Sirisë, thotë ministri sirian i Mbrojtjes, Murhaf Abu Qasra.
Ministri sirian i Mbrojtjes dhe komandanti i SDF-së pajtohen për armëpushim në veri të Sirisë / AA
Ministri sirian i Mbrojtjes, Murhaf Abu Qasra, tha se u takua me komandantin e Forcave Demokratike Siriane (SDF), Mazloum Abdi, sot në Damask dhe ranë dakord për një armëpushim të menjëhershëm në Sirinë veriore dhe verilindore.
“Ramë dakord për një armëpushim gjithëpërfshirës në të gjitha frontet dhe pozicionet ushtarake në Sirinë veriore dhe verilindore, me zbatimin e marrëveshjes që do të fillojë menjëherë”, tha ministri sirian në platformën e mediave sociale të kompanisë amerikane X.