Presidenti amerikan Donald Trump njoftoi të mërkurën se Izraeli dhe grupi palestinez Hamas kanë nënshkruar fazën e parë të marrëveshjes për Gazën, e propozuar nga Shtetet e Bashkuara të Amerikës.
“Jam shumë krenar që mund të njoftoj se Izraeli dhe Hamasi kanë nënshkruar fazën e parë të planit tonë të paqes”, shkroi Trump në platformën Truth Social, duke shtuar:
“Kjo do të thotë që të gjithë pengjet do të lirohen së shpejti dhe Izraeli do të tërheqë trupat e tij në vijën e dakorduar si hapat e parë drejt një paqeje të fortë, të qëndrueshme dhe të përhershme.”
Ai tha se të gjitha palët do të “trajtohen me drejtësi.”
Presidenti amerikan e përshkroi këtë moment si një ditë të madhe për botën arabe dhe myslimane, Izraelin, vendet fqinje dhe ShBA-në.
Trump falënderoi të gjithë ndërmjetësuesit, përfshirë Türkiyem, “të cilët punuan me ne që ky moment historik dhe pa precedent të ndodhte.”
“Lum paqebërësit”, shtoi ai.
