Türkiye kundërshton çdo veprim që synon të drejtat e popullit sirian për të jetuar në paqe dhe prosperitet, tha të premten një zëdhënës i Ministrisë së Jashtme.

“Ne qëndrojmë kundër çdo veprimi që synon të drejtën e sirianëve për të jetuar në paqe dhe prosperitet. “Türkiye mbetet e palëkundur në mbështetjen e saj për popullin dhe qeverinë siriane”, tha Oncu Keceli në lidhje me incidentet e fundit që ndodhën në provincën mesdhetare të Sirisë, Latakia.

Ankaraja bëri thirrje që "provokime të tilla" të mos lejohet të shndërrohen në kërcënim për paqen në Siri dhe rajon.

"Përpjekjet intensive janë duke u zhvilluar për të vendosur sigurinë dhe stabilitetin në Siri," tha Keceli, duke shtuar se tensioni në Latakia, së bashku me shënjestrimin e forcave të sigurisë, mund të rrezikojnë përpjekjet për ta udhëhequr Sirinë pas Asadit drejt një të ardhmje uniteti dhe solidariteti.