Presidenti Erdoğan do ta vizitojë Turkmenistanin më 11 dhe 12 dhjetor
Presidenti Erdoğan do të marrë pjesë në Forumin Ndërkombëtar për Paqen dhe Sigurinë dhe do të zhvillojë takime dypalëshe, njoftoi Drejtoria e Komunikimeve e Presidencës së Türkiyes.
Presidenti i Türkiyes, Recep Tayyip Erdoğan, do të vizitojë Turkmenistanin më 11-12 dhjetor për të marrë pjesë në Forumin Ndërkombëtar për Paqen dhe Sigurinë, njoftoi Drejtoria e Komunikimeve e Presidencës.
Forumi mbahet për të shënuar 30-vjetorin e statusit të neutralitetit të përhershëm të Turkmenistanit dhe për shpalljen e vitit 2025 si "Viti Ndërkombëtar i Paqes dhe Besimit" nga Asambleja e Përgjithshme e OKB-së, tha shefi i Drejtorisë, Burhanettin Duran, në platformën sociale turke "NSosyal".
Duran tha se presidenti do të mbajë fjalimin kryesor në forum dhe gjithashtu do të zhvillojë bisedime dypalëshe me udhëheqësit e shteteve dhe qeverive pjesëmarrëse, përfshirë edhe Turkmenistanin, si vend mikpritës.