Danimarka rihapi të hënën ambasadën e saj në Damask pas një mbylljeje 14-vjeçare, ndërsa ministri i Jashtëm, Lars Lokke Rasmussen, njoftoi ndarjen e 76 milionë dollarëve shtesë për të mbështetur rimëkëmbjen dhe stabilitetin e Sirisë.

Rasmussen mori pjesë në ceremoninë e rihapjes së bashku me ministrin e Jashtëm sirian, Asaad al-Shaibani, sipas agjencisë zyrtare të lajmeve SANA.

Al-Shaibani e quajti lëvizjen një "kapitull të ri" në marrëdhëniet siriano-daneze dhe tha se shpreson se kjo do të inkurajojë angazhimin dhe investimet më të gjera evropiane në Siri.

Rasmussen tha se financimi do të mbështesë rimëkëmbjen e hershme, stabilizimin dhe kthimin e refugjatëve.

Ai shtoi se sirianët që kanë gjetur strehim në Danimarkë mund të kontribuojnë me aftësi dhe përvojë në rindërtimin e vendit të tyre ndërsa kthehen në shtëpi.

Rasmussen më vonë u takua me presidentin sirian, Ahmed al-Sharaa, në Pallatin e Popullit në Damask.

Presidenca siriane tha se bisedimet u përqëndruan në forcimin e lidhjeve dypalëshe dhe bashkëpunimin në rimëkëmbjen dhe rindërtim, si dhe përpjekjet për të mbështetur stabilitetin në vend.