Piloti i avionit MiG-29 të ushtrisë serbe humbi jetën pasi avioni u rrëzua në një arë mes Nova Pazovës dhe Stara Pazovës, konfirmoi Radio-Televizioni i Serbisë.
Bëhet fjalë për një avion MiG-29, i cili i përkiste Brigadës së 204-të Ajrore, e cila është e stacionuar në aeroportin e Batajnicës.
Në vendin e aksidentit, jo larg Beogradit, ndodhen pjesëtarë të ushtrisë serbe, policisë dhe policisë ushtarake si dhe zjarrfikës dhe ekipe të ndihmës së shpejtë.
TË REKOMANDUARA
Deri më tani nuk ka informacione zyrtare për shkakun e rrëzimit të avionit.
Ministria e Mbrojtjes ende nuk ka bërë deklaratë në lidhje me aksidentin.
BURIMI:TRT Balkan dhe Agjencitë























