Shkëndija dhe Drita i kanë dhënë fund rrugëtimit të tyre historik në UEFA Ligën e Konferencës, pasi u eliminuan në fazën “play-off”, duke përmbyllur një paraqitje të suksesshme në arenën evropiane.

Shkëndija u mposht me rezultat 4-0 nga Samsunspori në ndeshjen e kthimit të zhvilluar në stadiumin “19 Maji” në Samsun, pas humbjes 0-1 në takimin e parë në Shkup.

Ndërkohë, Drita u mposht nga Celje me rezultat 3-2 në ndeshjen e kthimit në Slloveni. Me të njëjtin rezultat kishte përfunduar edhe takimi i parë, duke vulosur eliminimin e skuadrës kosovare pas dy përballjeve të forta.

Të dyja ekipet, Shkëndija dhe Drita, ishin ndeshur gjithashtu mes vete në fazën e parë të Ligës së Konferencës në Prishtinë, në një duel që kishte marrë vëmendje të madhe dhe kishte theksuar rëndësinë e paraqitjes së klubeve shqiptare në garat evropiane.

Pavarësisht eliminimit, pjesëmarrja e tyre në këtë edicion të UEFA Ligës së Konferencës mbetet një sukses i madh për të dy klubet.