Të paktën nëntë persona humbën jetën dhe 28 të tjerë u plagosën të shtunën si pasojë e një sulmi rus ndaj kryeqytetit ukrainas, Kiev.

Kryetari i Bashkisë së Kievit, Vitali Klitschko, njoftoi se mes të plagosurve janë edhe katër fëmijë.

Sipas tij, 17 persona po trajtohen në spital, ndërsa të tjerët kanë marrë ndihmë mjekësore në vendngjarje ose janë trajtuar pa u shtruar në spital.

Klitschko nuk dha hollësi të tjera mbi sulmin, përfshirë llojin apo numrin e armëve të përdorura.

Verifikimi i pavarur i sulmeve dhe zhvillimeve të tjera në konflikt mbetet i vështirë për shkak të luftës, e cila tashmë ka hyrë në vitin e pestë.