Betohen në Presidencë shtatë ministrat e rinj të kabinetit qeveritar të Shqipërisë

Shtatë ministrat e rinj të kabinetit qeveritar u betuan sot përpara presidentit të Republikës së Shqipërisë, Bajram Begaj.

Ceremonina u mbajt në Pallatin e Brigadave, ku ministrat e rinj u betuan me dorë në Kushtetutë.

Cilat janë ndryshimet e bëra?

Albana Koçiu u betua në postin e zv/kryeministres, duke shkarkuar Belinda Ballukun.

Ferit Hoxha u betua si ministër për Europën dhe Punët e Jashtme, duke zëvendësuar Elisa Spiropalin. 

Besfort Lamallari u betua si ministër i Punëve të Brendshme, duke zëvendësuar Albana Koçiun.

Ermal Nufi u betua si ministër i Mbrojtjes, duke zëvendësuar Pirro Vengun. 

Toni Gogu u betua si ministër i Drejtësisë, duke zëvendësuar Besfort Lamallarin. 

Enea Karakaçi u betua si ministër i Infrastrukturës dhe Energjisë, duke zëvendësuar Belinda Ballukun. 

Erjona Ismaili u betua si ministre e Shtetit për Marrëdhëniet me Parlamentin, e cila zëvendësoi Toni Gogun.

Ndryshimet u propozuan nga kryeministri Edi Rama në mbledhjen e grupit parlamentar të PS-së më 26 shkurt. Presidenti Begaj dekretoi më datë 4 mars ndryshimet në kabinetin qeveritar, të cilat u miratuan dje me shumicë votash nga Kuvendi.