Kombëtarja e Türkiyes përfundon përgatitjet për ndeshjen ndaj Kosovës
Futbollisti Merih Demiral u stërvit i ndarë nga skuadra.
Kombëtarja e Türkiyes në futboll, e cila nesër do të jetë mysafire e Kosovës në finalen e "play-off"-it të Kualifikimeve Evropiane për Kupën e Botës 2026, ka përfunduar përgatitjet.
Stërvitja e zhvilluar nën drejtimin e trajnerit Vincenzo Montella në Kompleksin e federatës turke të Kampeve dhe Trajnimit të Kombëtares "Hasan Dogan" në Riva të Istanbulit, ishte e hapur për mediat në 15 minutat e para.
Stërvitja nën reshje të dendura shiu vazhdoi me ushtrime pasimi pas nxehjes. Mësohet se në pjesën e mbyllur për media të stërvitjes është punuar në taktikën për ndeshjen ndaj Kosovës.
Futbollisti Merih Demiral u stërvit i ndarë nga skuadra.
Stërvitjen e kombëtares turke e ndoqën edhe kreu i federatës turke Ibrahim Haciosmanoglu dhe sekretari i përgjithshëm Abdullah Ayaz.
Delegacioni i kombëtares turke do të niset në orën 16:30 me kohën lokale nga Aeroporti i Istanbulit drejt Prishtinës me një avion të Turkish Airlines.
Kombëtarja turke do të zhvillojë një shëtitje të shkurtër në orën 18:00 në stadiumin "Fadil Vokrri", ku do të luhet ndeshja. Trajneri Vincenzo Montella dhe kapiteni i ekipit Hakan Calhanoglu do t'u përgjigjen pyetjeve të gazetarëve pas kësaj shëtitjeje.