Rama takon në Hagë homologun e Holandës: Takim i rëndësishëm për forcimin e partneritetit
Sipas Kryeministrisë së Shqipërisë, Rama do ta vizitojë edhe Institutin holandez të Marrëdhënieve Ndërkombëtare "Clingendael", ku do të adresohet me një fjalë, si dhe do t'u përgjigjet pyetjeve në një sesion të veçantë.
Kryeministri i Shqipërisë, Edi Rama, është takuar në Hagë me kryeministrin e Holandës, Dick Schoof.
Sipas një njoftimi nga Kryeministria e Shqipërisë, kryeministri Rama dhe delegacioni që e shoqëron po zhvillojnë një vizitë në Hagë.
"Një takim i rëndësishëm për forcimin e partneritetit dypalësh dhe thellimin e bashkëpunimit me Holandën", ka shkruar Rama në rrjetet sociale në lidhje me takimin me homologun holandez.
Sipas Kryeministrisë së Shqipërisë, Rama do ta vizitojë edhe Institutin holandez të Marrëdhënieve Ndërkombëtare "Clingendael", ku do të adresohet me një fjalë, si dhe do t'u përgjigjet pyetjeve në një sesion të veçantë.