Çmimet e naftës shënuan rënie të ndjeshme pas vendimit sot për armëpushim midis Iranit dhe ShBA-së.

Që nga ora 06:15, kontratat e ardhshme të Brent-it ranë me rreth 15 për qind në 92.9 dollarë ndërsa nafta West Texas Intermediate (WTI) ishte në 94.8 dollarë, një rënie prej 16 për qind.

Çmimet e gazit natyror evropian ranë me rreth 20 për qind në nën 43 euro (50 dollarë). Çmimet e naftës për ngrohje shënuan rënie prej 18 për qind në 3.66 dollarë për galon.

Pas propozimit të kryeministrit pakistanez Shehbaz Sharif për armëpushim dyjavor midis Iranit dhe ShBA-së, Trumpi tha se ai pranoi "të pezullojë bombardimet dhe sulmet ndaj Iranit për një periudhë dy-javore".

Sharif ftoi delegacionet iraniane dhe amerikane në Islamabad të premten. "Uashingtoni dhe Teherani, së bashku me aleatët e tyre, kanë rënë dakord për armëpushim të menjëhershëm në të gjitha zonat e konfliktit", tha ai.