Myanmari shpalli të hënën shtatë ditë zie kombëtare për shkak të një tërmeti të fuqishëm prej 7.7 ballë që goditi qendrën e Mianmarit të premten.

Flamuri kombëtar do të valëvitet në gjysmë shtizë si pjesë e zisë, sipas MRTV-së shtetërore.

Numri i të vdekurve nga tërmeti ka kaluar 1.700, me më shumë se 3.400 të plagosur dhe mbi 300 të zhdukur.

Ndërkohë, gjenerali Min Aung Hlaing, sundimtari i juntës së Mianmarit, zhvilloi një bisedë telefonike me kryeministrin malajzian Anwar Ibrahim të dielën. Të dyja palët diskutuan ndikimin e tërmetit dhe përpjekjet e shpëtimit dhe ndihmës.

Rusia, India, Kina, Tajlanda, OKB-ja, Emiratet e Bashkuara Arabe dhe të tjerë kanë dërguar ekipe të specializuara kërkimi dhe shpëtimi së bashku me ndihma humanitare.