Presidenti turk, Recep Tayyip Erdoğan, ka deklaruar se politikat ekspansioniste të Izraelit përbëjnë kërcënimin kryesor të sigurisë për rajonin.

“Agresioni izraelit ka treguar edhe një herë se problemi kryesor i sigurisë për rajonin tonë janë politikat ekspansioniste, të paligjshme dhe që sfidojnë normat e qeverisë aktuale”, tha Erdoğan në një konferencë të përbashkët për media në Ankara me presidentin algjerian, Abdelmadjid Tebboune.

“Türkiye dhe Algjeria ndajnë një qëndrim të përbashkët për t’i dhënë fund spirales së dhunës që kërcënon seriozisht paqen dhe sigurinë e rajonit tonë”, tha ai.

Më herët, Erdoğan priti Tebbounen në Kompleksin Presidencial, ku të dy liderët bashkëkryesuan mbledhjen e Këshillit të Bashkëpunimit Strategjik të Nivelit të Lartë.

Më pas ata morën pjesë në ceremoninë e nënshkrimit të marrëveshjeve dypalëshe.

Erdoğan tha se Ankaraja është e vendosur të forcojë bashkëpunimin me Algjerinë në sektorë strategjikë, përfshirë energjinë, minierat, transportin dhe bujqësinë.

Ai shtoi se të dy vendet po vazhdojnë të thellojnë bashkëpunimin afatgjatë në sigurinë e furnizimit me energji, “veçanërisht me gaz natyror”.