Komisioni Qendror i Zgjedhjeve në Bullgari publikoi të hënën rezultatet paraprake të zgjedhjeve parlamentare të së dielës, me 68.3 për qind të votave të numëruara deri në orën 7 të mëngjesit sipas kohës lokale.

Bullgaria Progresive kryesonte me 44,5 për qind të votave, e ndjekur nga “Vazhdojmë Ndryshimin – Bullgaria Demokratike” me 14 për qind dhe GERB-UDF-ja me 13,1 për qind.

Lëvizja për të Drejta dhe Liri mori rreth 5,4 për qind, ndërsa Vazrazhdane u rendit me 4,5 për qind.

Sipas Kodit Zgjedhor të Bullgarisë, Komisioni Qendror i Zgjedhjeve është i detyruar të shpallë rezultatet përfundimtare të votave dhe ndarjen e mandateve për partitë dhe koalicionet jo më vonë se katër ditë pas ditës së zgjedhjeve. Emrat e deputetëve të zgjedhur duhet të publikohen brenda shtatë ditësh.

Votimi i së dielës shënoi zgjedhjet e teta parlamentare në Bullgari që nga viti 2021.