Xhamia Al-Aksa rihapet për namazin e parë të xhumasë pas një mbylljeje disa javore
Turma të mëdha filluan të mbërrinin në orët e para të mëngjesit, duke i mbushur oborret e xhamisë me burra, gra, fëmijë dhe besimtarë të moshuar në një reflektim të gatishmërisë së palestinezëve.
Mijëra besimtarë palestinezë u mblodhën në xhaminë Al-Aksa për namazin e parë të xhumasë pas një mbylljeje që zgjati më shumëse pesë javë.
Izraeli njoftoi të mërkurën se do ta rihapë xhaminë Al-Aksa dhe kishën e Varrit të Shenjtë në Kudsin Lindor të pushtuar duke filluar nga mëngjesi i së entjes, duke e lejuar hyrjen për herë të parë në 40 ditë pas kufizimeve të vendosura gjatë luftës së ShBA-së dhe Izraelit kundër Iranit.
Turma të mëdha filluan të mbërrinin në orët e para të mëngjesit, duke i mbushur oborret e xhamisë me burra, gra, fëmijë dhe besimtarë të moshuar në një reflektim të gatishmërisë së palestinezëve për t'u kthyer pas një mungese të zgjatur.
Gjatë mbylljes, palestinezëve iu ndalua të kryenin namazet e përditshme, përfshirë pesë namaze të njëpasnjëshme të xhumasë më 6, 13, 20 dhe 27 mars dhe më 3 prill. Adhurimi rifilloi të premten egjashtë, më 10 prill.
Autoritetet izraelite i kishin mbyllur të dy vendet qënga 28 shkurti, duke përmendur masat e sigurisëgjatë luftës ShBA-Izrael kundër Iranit. Ata gjithashtu penguan mbajtjen e namazit të Fitër Bajramit në Al-Aksa këtë vit për herë të parë që kur Izraeli pushtoi Kudsin Lindor në vitin 1967.