Papa Leoni XIV të dielën përsëriti thirrjen e tij për t’i dhënë fund dhunës kundër palestinezëve në Bregun Perëndimor të pushtuar dhe i bëri thirrje komunitetit ndërkombëtar që të nxisë përpjekjet drejt një zgjidhjeje me dy shtete.

Duke folur pas lutjes javore, Leonibëri thirrje për t’i dhënë fund “akteve të përsëritura të dhunës kundër popullsisë palestineze të Bregut Perëndimor”, sipas Vatican News.

Ai gjithashtu bëri një apel urgjent drejtuar komunitetit ndërkombëtar “për të siguruar që të bëhet progres drejt një zgjidhjeje me dy shtete, për një paqe të drejtë dhe të qëndrueshme”.

Vatikani ka mbajtur vazhdimisht qëndrimin se një zgjidhje me dy shtete, e bazuar në kufij të sigurt dhe të njohur ndërkombëtarisht, është rruga e vetme e qëndrueshme dhe e drejtë drejt një paqeje të qëndrueshme mes Palestinës dhe Izraelit.

Papa gjithashtu shënoi fillimin e Lojërave të Mesdheut në qytetin jugor italian të Tarantos, duke u shprehur optimist se ky event sportiv do të shërbente si “një shenjë profetike paqeje dhe vëllazërie mes popujve të këtij rajoni dhe të gjithë botës”.

Në këtë event po marrin pjesë atletë nga vende të Afrikës, Azisë dhe Evropës që kufizohen me Mesdheun.