Izraeli shpall marrëveshjen historike prej 35 miliardë dollarësh për gaz natyror me Egjiptin
“Marrëveshja vlen 112 miliardë shekelë, marrëveshja më e madhe për gazin në historinë e Izraelit”, tha kryeministri izraelit.
Izraeli shpall marrëveshjen historike prej 35 miliardë dollarësh për gaz natyror me Egjiptin / Reuters
Kryeministri izraelit, Benjamin Netanyahu, ka njoftuar miratimin e një marrëveshjeje të madhe për gaz natyror me Egjiptin me vlerë prej 112 miliardë shekelë (afro 35 miliardë dollarë).
“Marrëveshja vlen 112 miliardë shekelë, marrëveshja më e madhe për gazin në historinë e Izraelit”, tha Netanyahu në një deklaratë televizive, sipas së përditshmes ‘Yedioth Ahronoth’.
Deri më tani nuk ka pasur ndonjë konfirmim ose deklaratë zyrtare nga autoritetet egjiptiane në lidhje me marrëveshjen.