Hamasi ia dorëzoi mbrëmjen e së enjtes trupat e dy pengjeve izraelitë Kryqit të Kuq, në kuadër të marrëveshjes së armëpushimit, konfirmoi ushtria izraelite.

Në një deklaratë të ushtrisë u tha se arkivolet iu dorëzuan Kryqit të Kuq dhe janë në rrugë për tek trupat izraelite brenda Rripit të Gazës.

Më herët, Hamasi kishte njoftuar se do të dorëzonte trupat e dy pengjeve që kishte gjetur nën rrënoja.

Dorëzimi u krye dy ditë pasi Izraeli vrau mbi 100 palestinezë në sulme ajrore në gjithë Rripin e Gazës, pavarësisht armëpushimit.